Geus lila puguh hirup dilembur batur teh, Februari 1986 mimitina nepi kapoe ieu ( 9 Januari 2011). Hartina geus 26 tahun aya di lembur batur teh.Sabenerna dimana oge hirup teu jadi masalah, anu pentingmah bisa lolondokan (kitu ceuk kolot mah ) Tapi sanajan kitu tetep bae salaku pendatang sok boga rarasaan asa teungteuingeun hirup teh. Lain kunaon pan hayang papanggih jeung kolot ge hese pisan komo deui bari jeung bisa ngamulayakeun kanu jadi kolot.Loba kajadian anu matak getir kana hate, salah sahiji anu teu weleh jadi pikiran lamun Lebaran datang, sok waas nempo jalma anu mudik, da ari kahayang mah sarua jeung batur, balik kalembur supaya bisa papanggih jeng kolot, papanggih jeng dulur saindung sabapa jeng loba kaperluan laina.
Masih inget waktu bareto masih di Ciberung, maen bola di lapangan jejed, nguseup di Leuwi Peucang (sing teu meunang ge laukna resep bae anu aya, nonoton wayang golek dinu hajatan bari nambul tahu anu loba dijual jeung sajabana.
Ayeuna sakabehna ngan tinggal bayangan anu siganamah moal kaalaman deui.
Sakali deui lain teu hayang, komo ayeunamah barudak geus garede, sarakola deui. Tong boro bisa mawa kaluwarga, mun sorangan oge siganamah tetep ngan kahayang wungkul.
Sambas teh jauh pisan, meuntas lautan Cina Selatan, ditambah deui jalan daratna anu jauhna teu kaitung. Ti Sambas kudu ka Pontianak heula, Sampe di Jakarta diteruskeun ka lembur, etateh merlukeun waktu 3 poe lamun make kapal laut. Bisa leuwih cepat mun make pesawat terbang, ngan hanjakal biayana salangit.
Kitu tah masalah teh. untung jaman ayeunamah aya fasilitas anu gampang, bisa lewat Hand Phone atawa internet, ngan hanjakal kolot di Ciberung can bisa kaakses ku internet. Padahal mun bisamah meureun hubungan teh bisa leuwih lancar. Sayeunaeun mah kakara bisa ngobrol dina HP, mudah-mudahan kahareup bisa kana internet. Mudah-mudahan....Amiiin....
Tidak ada komentar:
Posting Komentar